Ana səhifə / Dünya / Martin Brandlın “Jordan”ı satışa çıxarılıb

Martin Brandlın “Jordan”ı satışa çıxarılıb

1996-cı il mövsümü Martin Brandl üçün Formula 1-də sonuncu oldu. Həmin vaxtlar o, “Peugeot” mühərrikli “Jordan 196” bolidində Eddi Jordanın komandasının şərəfini qoruyurdu.

AZƏRTAC “F1News.ru”ya istinadla xəbər verir ki, qızılı rəngə boyanmış və kifayət qədər sürətli olan bolid parlaq xarici görünüşü ilə fərqlənirdi. “Peugeot V10” həmin mövsüm üçün o qədər də güclü mühərrik hesab edilməsə də, “Jordan”ın yürüşçüləri Martin Brandl və Rubens Barrikelloya müntəzəm olaraq xallar uğrunda mübarizə aparmağa şərait yaradırdı.

“Sotheby’s” hərrac evi britaniyalının 1996-cı ildə yürüşlərdə iştirak etdiyi avtomobili fevral ayında Parisdə keçiriləcək hərraca çıxarmağı planlaşdırır.

“Jordan 196” onunla yadda qalıb ki, Martin Brendl Avstraliya Qran-Prisinin startında bu boliddə uzun müddət xatırlanacaq qəzaya uğrayıb. İndi lazımi vəsaitə malik istənilən şəxsin ala biləcəyi 03 nömrəli şassi isə o zaman ehtiyatda idi: məhz pilot bu bolidə əyləşərək Melburnda start xəttinə təkrar çıxıb.

Martin Brandl, həmçinin bu “Jordan”ın sükanı arxasında Monrealda, Nyurburqrinqdə və Silverstounda finişə 6-cı çatıb. Hərracın təşkilatçıları hazırda “Sky Sports” telekanalının populyar şərhçisi olan Martin Brandlın F1 karyerasını başa vurmazdan əvvəl çıxış etdiyi bolidin ən azı 170-190 min avroya satılacağına ümid edirlər.

Haqqında qarayev

Həmçinin oxuyun

Əfqanıstanda terror aktı nəticəsində 18 nəfər həlak olub

Əfqanıstanın Maydanşəhr rayonunda xüsusi təyinatlı hərbi qüvvələrin bazası yaxınlığında içərisində bomba olan avtomobilin partladılması nəticəsində …

Добавить комментарий

Ваш e-mail не будет опубликован. Обязательные поля помечены *