Ana səhifə / Bəyənat / Azərbaycan XİN Ermənistanın baş nazirinin ölkəmizin işğal olunmuş ərazilərinə səfərinə münasibət bildirib

Azərbaycan XİN Ermənistanın baş nazirinin ölkəmizin işğal olunmuş ərazilərinə səfərinə münasibət bildirib

Azərbaycanın Xarici İşlər Nazirliyinin mətbuat katibi Leyla Abdullayeva Ermənistan baş nazirinin bu ölkənin təhlükəsizlik şurasının Xankəndidə keçirilən iclasında iştirak etmək məqsədilə ölkəmizin işğal olunmuş ərazilərinə səfərini AZƏRTAC-a şərh edib.

Leyla Abdullayeva deyib: “Görünür hər bir məsələ öz yerini tapır. Ermənistan baş naziri ölkəsinin təhlükəsizlik şurasının növbədənkənar iclasını ölkəmizin işğal olunmuş Xankəndi şəhərində keçirirsə, demək Azərbaycanın Dağlıq Qarabağ bölgəsinin ermənilərinin danışıqlara cəlb edilməsi cəhdlərinə də ehtiyac qalmır. “Qarabağ erməniliyi” fikrini səsləndirən baş nazir söz oyununa son qoyaraq, Dağlıq Qarabağda yaşayan ermənilərin “xalq” yox, erməni icması olduğunu dilə gətirir.

Bir daha təkrar edirik ki, münaqişənin həlli üzrə uzun illərdir davam edən danışıqlar prosesinin formatı aydındır və bu məsələ ATƏT-in konsensus qərarı ilə müəyyən edilib; 1992-ci il ATƏT-in Helsinki qərarı ilə Azərbaycanın Dağlıq Qarabağ bölgəsinin hər iki icması maraqlı tərəf qismində müəyyən olunub.

Münaqişənin həlli üzrə prinsiplərə gəldikdə isə, Minsk qrupu həmsədrlərinin də son bəyanatında istinad etdikləri ATƏT-in Helsinki Yekun Aktında aydın şəkildə əks olunmuş prinsiplərin hər hansı bir şəkildə yanlış təfsir olunması mümkün deyil. Xatırlatmaq istərdik ki, ATƏT-in 1996-cı il Lissabon zirvə görüşü zamanı ATƏT Minsk qrupu həmsədrləri tərəfindən irəli sürülən və Ermənistan istisna olmaqla, bütün digər ATƏT-in üzv ölkələri tərəfindən birmənalı şəkildə qəbul olunan fəaliyyətdə olan sədrin bəyanatında münaqişənin həlli prinsiplərinə aydınlıq gətirilib. Azərbaycanın beynəlxalq səviyyədə tanınmış sərhədləri çərçivəsində ərazi bütövlüyü hər hansı bir şəkildə müzakirə obyekti ola bilməz.

Ermənistan silahlı qüvvələrinin Azərbaycanın işğal edilmiş ərazilərindən çıxarılması və bu ərazilərə azərbaycanlı məcburi köçkünlərin geri qayıtması istiqamətində konkret addımların atılmasının vaxtı çoxdan yetişib. Özünün də bəyan etdiyi kimi, Ermənistan xalqının etimadını qazanan və beləliklə də tam mandata sahib olan baş nazir siyasi iradəsini nümayiş etdirərək bölgəyə sülh, tərəqqi və dayanıqlı inkişafın gətirilməsində nə dərəcədə maraqlı olduğunu aydın şəkildə göstərməlidir. Belə ki, sülhün və əmin-amanlığın təmin edilməsində maraqlı olan tərəf digər dövlətin ərazilərini işğal altında saxlamaz”.

PAYLAŞMAQ:

Haqqında qarayev

Həmçinin oxuyun

Avstriyada növbədənkənar parlament seçkiləri keçiriləcək

Avstriyanın Federal Prezidenti Aleksander Van der Bellen ölkədə növbədənkənar seçkilər keçiriləcəyini elan edib. AZƏRTAC xəbər verir …

Добавить комментарий

Ваш e-mail не будет опубликован. Обязательные поля помечены *

... ?>

Поделиться в соц. сетях: