Ana səhifə / Dünya / Sinqapurda yüklərin gəmilərə dronlar vasitəsilə çatdırılması sınaqdan keçirilir

Sinqapurda yüklərin gəmilərə dronlar vasitəsilə çatdırılması sınaqdan keçirilir

Sinqapurda kiçik həcmli yüklərin pilotsuz uçan aparatlarının köməyi ilə reyddə dayanan gəmilərə və tankerlərə çatdırılması sınaqdan keçirilir.

AZƏRTAC “The Straits Times” qəzetinə istinadla xəbər verir ki, bu, dünyada ilk belə eksperimentdir. Sinqapurun Nəqliyyat Nazirliyi, Mülki Aviasiya İdarəsi, həmçinin Dəniz və Liman İdarəsindən verilən məlumata əsasən, pilotsuz uçan aparatların bu məqsədlər üçün geniş istifadəsi gələn ilin sonlarında mümkün olacaq.

“Bu addım insan gücündən asılılığı azaltmağa və bir çox məsələni operativ həll etməyə imkan yaradacaq”, — qurumların birgə bəyanatında belə deyilir.

Bundan əlavə, dronlar vasitəsilə dəniz gəmilərinin təftişini həyata keçirmək, dava-dərmanları, həmçinin bəzi ehtiyat hissələrini və kiçik həcmli digər yükləri daşımaq da planlaşdırılır.

Hazırda pilotsuz uçan aparatların sınaqları Sinqapur sahilindən 3 kilometr məsafəyə qədər 4 kvadratkilometr sahədə həyata keçirilir. Test uçuşları göstərib ki, kiçik həcmli yüklərin çatdırılması və dronun geri qayıtması təxminən 10 dəqiqə vaxt aparır. Sürətli qayıqlar vasitəsi ilə analoji məsələlərin həyata keçirilməsi isə azı 60 dəqiqəyə başa gəlir.

Sinqapurun dəniz limanı yüklənmə və yük dövriyyəsinə görə Şanxay limanından sonra dünyada ikinci yeri tutur. Burada yük gəmilərindən əlavə yüzlərlə neft tankeri də reydə dayanır.

 

Haqqında qarayev

Həmçinin oxuyun

Azərbaycan Prezidenti İlham Əliyev Pekində “ZTE” Korporasiyasının sədri ilə görüşüb

Azərbaycan Respublikasının Prezidenti İlham Əliyev aprelin 24-də Pekində «ZTE» Korporasiyasının sədri Li Cisue ilə görüşüb. …

Добавить комментарий

Ваш e-mail не будет опубликован. Обязательные поля помечены *