Əlilliyi olan şəxslərə 333 reabilitasiya vasitəsi evlərinə aparılaraq verilib

Əlilliyi olan şəxslərə 333 reabilitasiya vasitəsi evlərinə aparılaraq verilib

17.04.2020 Off By admin

“Hakimiyyet.com” xəbər verir ki,

Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi xüsusi rejimli  karantin müddətində gücləndirilmiş rejimdə səyyar xidmətlərini davam etdirir. 

Nazirlikdən APA-ya verilən məlumat görə, bu müddət ərzində Mərkəz tərəfindən Bakı, Sumqayıt  şəhərləri və Abşeron rayonu üzrə 184 nəfər əlilliyi olan şəxsə 333 reabilitasiya vasitəsi yaşadıqları ünvanlara aparılaraq təqdim edilib. 

Əlilliyi olan şəxslər müraciətlərinə əsasən ehtiyac duyduqları əlil arabası, dördayaqlı dayaq vasitəsi, qoltuqaltı və dirsəkaltı ağac, əsa və s. reabilitasiya vasitələri ilə təmin olunub. 

Bu da əlilliyi olan şəxslərə və pandemiyanın yayılmasının qarşısının alınması üçün elan olunmuş xüsusi karantin rejimi ilə əlaqədar aparılan “Evdəqal” çağırışına dəstək məqsədi daşıyır.

 

Share