Terror aktı nəticəsində yaralanan Somali paytaxtının meri vəfat edib

Terror aktı nəticəsində yaralanan Somali paytaxtının meri vəfat edib

01.08.2019

20:33

Terror aktı nəticəsində yaralanmış Somali paytaxtı Moqadişunun meri Əbdurahman Ömər Osman vəfat edib. APA-nın “France Presse” agentliyinə istinadən verdiyi xəbərə görə, bu barədə Somali prezident adminstrasiyasının mətbuat katibi Abdinur Məhəmməd Əhməd bildirib.

Mətbuat katibi deyib ki, iyulun 24-də yerli adminstrasiya binasında törədilən partlayış nəticəsində yaralanmış şəhər meri müalicə aldığı Qətərin paytaxtı Dohada vəfat edib.

Qeyd edək ki, məlum terrror aktı BMT-nin Somali üzrə xüsusi nümayəndəsi Ceyms Svan şəhər meri ilə görüşdükdən qısa müddət sonra baş verib. hadisəni öz üzərinə götürən Əl-Şabab radikal qruplaşması bəyan edib ki, terror aktının hədəfi BMT-nin xüsusi nümayəndəsi olub

PAYLAŞMAQ:

Print Friendly, PDF & Email