Vladimir Vsotskinin “Cənnət almaları” mahnısının ilkin versiyası tapılıb

12.01.2020 Off By admin

Rusiyanın görkəmli aktyor və bəstəkarı Vladimir Vsotskinin erkən vaxtlarında bəstələdiyi “Cənnət almaları” mahnısının ilkin versiyası üzə çıxıb.

AZƏRTAC TASS agentliyinə istinadən xəbər verir ki, səsyazma V.Vsotski ilə dostluq edən Rusiyanın Xalq artisti İvan Bortnikin şəxsi arxivindən tapılıb.

İfaçının yaradıcılığını tədqiq edən Sergey Jiltsov bildirib ki, mahnı iki versiyada bəstələnib. Onun sözlərinə görə birinci versiya 1977-1978-ci illər arasında bəstələnib və “Deyirlər mən öləcəm…” sözlərilə başlayır.

Vladimir Vsotski (1938-1980) 16 il teatrda çalışıb. O, 1959-cu ildən kinoda çəkilməyə başlayıb. “Qısa görüşlər”, “Təhlükəli qastrollar”, “Görüş yerini dəyişmək olmaz” filmlərində yaddaqalan obrazlar yaradıb. Kinematoqrafiya ilə onun poetik fəaliyyəti də sıx əlaqəli olub. V.Vsotski kino üçün 130-dan çox mahnı bəstələyib.